எனது காதல் கடிதம் - பகுதி-3
(முதலிரண்டு பகுதிகளைப் பார்க்காதவரகள் இணைப்புக்குச் செலல -
முதல் பகுதி -http://valarumkavithai.blogspot.in/2014/04/blog-post_26.html
இரண்டாம்பகுதி - http://valarumkavithai.blogspot.in/2014/04/2.html
எவனுக்குப் பிள்ளையை
எவள் பெற்றால் என்ன? – அவள்
தவறாமல் எனக்கு இன்பம்
தருகின்றாள் அதுபோதும்!’
-51
என்றிருந்த காலத்தின்
பின்வந்த கோலமே
இன்றிருக்கும் பெண்ணடிமை
திருமணம் தோன்றியது ஏன்?
நிலத்தைப் பயன்படுத்தி
நிலையாக வாழ்ந்தபோது
உழுதல் முதலான
உடல்உழைப்பு வேலைகளை -53
ஆடவரே செய்துவர
அவனுக்குத் துணையாக
ஆடுகளை மாடுகளை
அடுக்களையைப் பெண்பார்த்தாள்! -54
உற்பத்திக் கருவிகளை
உருவாக்கும் பொறுப்பெல்லாம்
தன்பக்கம் வந்ததனால்
தலைமையை ஆண்எடுத்தான் -55
அதுவரையும் பெண்எவளும்
ஆண்எவர்க்கும் அடிமையில்லை!
அதிகாரம் வந்தவுடன்
அடக்குமுறை வந்தாச்சு!
-56
உணவுக்கும் எஞ்சிநின்ற
உபரி பெருகியதும்
தனக்குப்பின் அவையெல்லாம்
தன்குழந்தைக்கே வேண்டும் -57
என்னும் உணர்வின்மேல்
எழுந்ததுதான் பெண்ணடிமை!
தன்னுடனே உறவாடும்
தாரம்வேறு யாரோடும்
-58
உறவாடத்தடை செய்தான்!
அது நடந்தால், அவன்வழியே
பிறந்துவிடும் குழந்தைக்குப்
போய்விடுமே இவன்சொத்து! -59
என்பதனால் ‘பத்தினி’யாய்
இவள்இருக்க வேண்டுமென்றான்
என்பதனால் அவன்மட்டும்
இருந்த்தில்லை ஒருக்காலும்!
-60
கற்பு – பலவகை! அத்தனையும் அடிமைமுறை
ஒருதார முறை இவ்வாறு
ஒருவான பின்னும் இவன்
பிறபெண்கள் தொடர்பு இருந்தால்
பெருமைக்கே அறிகுறி என்று -61
இலக்கணமும் இலக்கியமும்
இவன்நியாயப் படுத்தியவை!
‘தலைக்கற்பு’ம் ‘இடைக்கற்பு’ம்
தனித்தனியே விளக்கிவைத்தான்! -62
இவன் திடுமென்று இறந்து விட்டால்
இன்னொருவன் மறுபடியும்
இவளை மணந்து கொண்டால்
இவன்சேர்த்த சொத்துக்கள் -63
பிறக்கும்அவன் பிள்ளைக்கும்
போகுமென எண்ணி, இவன்
இறந்தால் ‘உடன்கட்டை
ஏறல்‘தலைக் கற்பு’ என்றான் -64
 |
| கணவன் இறந்ததும் மனைவியை உடன்கட்டை ஏற்றும் “சதி” நிகழ்ச்சி ( இந்த நிகழ்வை அடிப்படையாக் கொண்டு எழுதப்பட்டு “குமுதம்“ இதழில் வெளிவந்த எனது சிறுகதை “கன்வார்“ படிக்க - http://valarumkavithai.blogspot.in/2013/12/blog-post_3773.html ) ---------------------------------------------------------------------------------------------------------------- |
இருக்கும் கொடுமையில்
இறப்பதே நல்லதெனக்
கருதவைத்த கொடுமை!ரூப்
கன்வார்கள் கதைஅறிவாய்! -65
இவன்இறந்த பின்னு ம்அவள்
இறக்காமல் இருந்தாலும்
அவளேதன் உணர்வுகளை
அழித்தல் ‘இடைக் கற்பு’ என்றான்! -66
கவர்ச்சியாய் அவள் இருந்தால்
காண்பவன் மணந்துகொள்வான்
கவர்ச்சியைக் குலைப்பதற்கே
கழுத்துமூக்கை மூளியாக்கு! -67
பூவைத்துப் பொட்டுவைத்து
பொலிவாக அவள்இருந்தால்
தேவைக்குப் பிறன்யாரும்
தேடிவந்து விடுவானே?
-68
வந்துவிட்டால் இவன் சொத்தை
வளைத்துப்போய் விடுவானே!
எந்தஉணர்வு அடிப்படையாய்
இருக்கிறது பார்த்தாயா?
-69
தான்சுரண்டிச் சேர்த்தபணம்
தன்பின்தன் பரம்பரைக்குத்
தான்சேர வேண்டும்எனும்
தன்னலமே கற்பு முறை! -70
சொத்துரிமை தந்தால்
சுதந்திரமாய் விடுவாளே!
கொத்தடிமை போல் அவளைக்
கூண்டில் அடைத்துவைக்க -71
முடியாதே என்று மிக
முன்னேற்பாடாய் வீட்டுப்
படிதாண்டாப் பத்தினியாய்ப்
‘பண்பாடு’ சொல்லி வைத்தான் -72
இப்போது சொத்துரிமை
இருவருக்கும் இருந்தாலும்
எப்படிச் சமம் வளரும்?
இருக்கிறதே பண்பாடு! -73
எழுதிய சட்டம்எனில்
எடுத்தெழுதி மாற்றிடலாம்
எழுதாத சட்டமாய்
ஏற்றிவைத்தான் இலக்கணத்தில்! -74
கண்ணகிபோல் வாழ்வதுதான்
கற்புடைய வாழ்வுஎனில்
என்னசுகம் பெண்ணுக்கு?
எதற்கிந்த இலக்கியங்கள்? -75
----------------------------------------------------------------------------------------
கிஸ் ...தப்பு ...நச் என்று கடைசியில் முடித்து விட்டு ,நிறைந்தது என்பதற்கு அடுத்து என்ன ஒரு கேள்விக்குறி ?மீம்ண்டும் தொடரும் எண்ணம் உள்ளதா ?
பதிலளிநீக்குவணக்கம்
பதிலளிநீக்குஐயா.
ஆகா....ஆகா.. தங்களின் கவிதை மழை என்னை நனைத்து விட்டது .....நன்றாக உள்ளது வாழ்த்துக்கள் ஐயா.
-நன்றி-
-அன்புடன்-
-ரூபன்-
எனக்கென்னமோ உங்களின் சிந்தனை வரிசையில் இருப்பதாகவே தோன்றுகிறது... வாழ்த்துக்கள் ஐயா...
பதிலளிநீக்குஎப்படி திட்டமிட்டு பெண்ணை அடிமையாக்கி இருக்கின்றனர்... :(
பதிலளிநீக்குஅருமையாகவும், எளிய முறையிலும் உள்ளது ஐயா
பதிலளிநீக்குவாழ்த்துக்கள்