கனவில் வந்த காந்தி (7)

KARANTHAI
JAYAKKUMAAR

நண்பர்களே இதற்கு நான் பொறுப்பல்ல...

இந்த தேவகோட்டைக் கொலைகாரர் (அதாங்க கில்லர்ஜி) 

ஒரு பந்தை உதைத்து தள்ளிவிட, 

அது நேரா கரந்தையில வந்து விழுந்துச்சா..

அய்யா கரந்தையார் அதை உட்ட ஒதையில 

பந்து நேரா புதுக்கோட்டைக்குப் பறந்து வந்திருச்சா... அத இப்ப நா உங்க கிட்ட தள்ளிவிடுறனுங்கோ...

KILLERGEE

இது ரெண்டையும் பார்த்திட்டு 

அப்பறம் என்னுத படிக்க வாங்க.

(அய்யோ அய்யோ.. பாவம்ங்க நீங்க)

http://killergee.blogspot.in/2014/11/1.html

http://karanthaijayakumar.blogspot.com/2014/11/2.html

வேதாளம் விக்கிரமாதித்தன் கிட்ட கேட்ட கேள்விகள் பழசுதான்.

அதையே மாத்தி , “விஞ்ஞான விக்கிரமாதித்தன் கேள்வி-பதில்கள்“ எழுதின நம்ம ஆயிஷா நடராஜன் பாலசாகித்ய அகாதமி விருது வாங்குனார்.

நா என்னா வாங்கப் போறனோ... 
அந்த வேதாளத்துக்குத்தான் தெரியும்‘!

------------------------------------ 

கனவில் வந்த காந்தி (7)

1.நீ மறுபிறவியில் எங்குப் பிறக்கவேண்டும் என்று நினைக்கிறாய்?

மறு பிறவியெல்லாம் கிடையாதுங்க. (இந்தப் பிறவியே வேஸ்ட் இதுல அடுத்த பிறவி வேறயானு இல்லிங்க நமக்கு நம்பிக்கையில்ல அவ்ளோதான்) சரி, அப்படியே பிறந்துதான் ஆகணும்னு கட்டாயம் பதில் சொல்லணும்னா.. அமெரிக்காவுல தான் பிறக்க விரும்புவேன். (அங்க பிறந்தாத் தான, தமிழ்நாடு எவ்ளோ நல்ல நாடுன்னு புரியும்)

2.ஒருவேளை நீ இந்தியாவின் ஆட்சியாளனாக வந்துவிட்டால்?

அப்படி ஒரு ஆபத்து இந்தியாவுக்கு வந்தால் என் உயிரைக் கொடுத்தாவது தடுக்க முயல்வேனுங்க...  

(அட என்னையவேயா சொல்றிங்க? என்னங்க நீங்க...சரி..அப்ப ஒரு கை பாத்துட வேண்டியதுதான்..  இந்த “வெளிநாட்டுல் இருக்குற பணத்தையெல்லாம் இந்தியாவுக்குக் கொண்டுவந்துட்டுத்தான் மறுவேலை“ ன்னு அப்ப அந்த மன்மோகன் சொன்ன மாதிரி, இப்ப நம்ம மோடிஜியும் சொல்றமாதிரி நாமளும் சொல்லிக்கிட்டே காலத்த ஓட்டிட வேண்டியதுதான்..

3.ஒருவேளை வெளிநாட்டில் வாழும் இந்தியர்கள் எதிர்ப்புத் தெரிவித்தால்?

அதான் எந்த வெளிநாட்டுப் பணத்தையும் கொண்டுவரப் போறதில்லயே அப்பறம் ஏன் எதிர்ப்புத் தெரிவிக்கப் போறாங்க... அப்டியே நாடுநாடாப் போயி விருந்து சாப்பிட்டு, வைத்தியத்தையும் பாத்துக்கிட்டு இங்கவந்து நா அந்த நாடுமாதிரி ஆக்கப்போறன்.. இந்தநாடு மாதிரி ஆக்கப்போறன் அப்படின்னு சொல்லிக் காலத்தை ஓட்ட வேண்டியதுதான்..

4.முதியோர்களுக்கு என்று ஏதும் திட்டம் வைத்திருக்கிறாயா?

    

60வயதுக்கு மேற்பட்டவர்க்கெல்லாம் மடிக்கணினி இலவசம். கட்டாயம் ஆளுக்கொரு வலைப்பக்கம் ஆரம்பித்தே ஆகவேண்டும் அதற்கு நம்ம டிடி, தமிழ்வாசி, கஸ்தூரி மூவரும் “வலைவீசும்“ அமைச்சர்களாக்கப் படுவர். (பெரிசுக அப்பறம் மத்த விஷயத்த எல்லாம் மறந்து போயி மண்ட காய்ஞ்சிட மாட்டாங்க?)

சரி இனி சீரியஸாவே யோசிப்போமா?------

5.அரசியல்வாதிகளுக்கென்று திட்டம் ஏதாவது?

அவங்க எல்லாருமே தகுதித் தேர்வு எழுதித்தான் அரசியலுக்கே வரணும். (இது நா இப்ப சொல்றதில்லிங்க.. ஏற்கெனவே எழுதியது இங்கபாருங்க- http://valarumkavithai.blogspot.com/2013/10/blog-post_24.html )

6.மதிப்பெண் தவறென்று மேல்நீதிமன்றங்களுக்குப் போனால்..?

     நீதிபதிகள் துறைத்தேர்வுகள் எழுதுற மாதிரி இதுக்கும் தகுதித் தேர்வு எழுதித்தானே நீதிபதியாவே வரப்போறாங்க.. அப்பறம் இத எப்படித் தப்புன்னு அவங்க தீர்ப்புச் சொல்லுவாங்க? சமாளிச்சுடுவம்ல?

7.விஞ்ஞானிகளுக்கென்று ஏதாவது திட்டம்?

     மத்த ஆராய்ச்சிகள எல்லாத்தையும் நிறுத்து. உலகத்துல இல்லாத இந்தச் சாதி எழவ நம்ம நாட்டுலர்ந்து ஒழிக்க –மாரியம்மன ஒழிச்ச மாதிரி... சாரி அம்மைநோயை நாட்டை விட்டே விரட்டுன மாதிரி- விஞ்ஞானிக எதையாவது கண்டுபிடிக்கலன்னா எல்லாரையும் மங்கள்யான்ல ஏத்தி –அங்கிருந்தாவது சாதி ஒழிப்புக்கு ஏதாவது “செய்வாய்“னு சொல்லி - செவ்வாய்க்கு அனுப்பிடுவேன்.

8.இதை உங்களுக்குப் பிறகு வரும் ஆட்சியாளர்கள் தொடர்வார்களா?

     வேற வழி? தொடரலன்னா வேற யாராவது வந்து அவங்கவுங்க வழியில தொடர்வாங்க.. (எப்படியோ நம்ம ஆட்சியில கலகம் நடக்குறது உறுதி! கலகம் பிறந்தா தானுங்களே நியாயம் பொறக்கும்?)

9.மற்ற நாடுகளில் இல்லாத புதுமையாக ஏதாவது திட்டம்?

     (1) பெத்த குழந்தைகளை முறையா வளக்காத பெற்றோரும், பெற்றோரின் முதுமைக் காலத்தில் சரியாக் கவனிக்காத பிள்ளைகளும் கழுவில் ஏற்றப் படுவார்கள். (கழு அப்படின்னா என்னான்னு தெரியாதவுங்க “ஊமைக்கனவுகள்“ விஜூவைக் கேட்கவும்.)

(2) உயர்-தொழிற்கல்வி வரை அனைத்துக் கல்வியும், மருத்துவமும் இலவசம். அரசு செலவில் படித்துவிட்டு, வெளிநாடு போகணும்னா படிச்ச செலவையெல்லாம் திரும்பக் குடுத்தாத்தான் விசா தரப்படும். மருந்துகளைத் தனியார் விற்றால் மரணதண்டனை.

(3) பள்ளி-நூலகம்-சுற்றுலா-திரைப்படம்-தொலைக்காட்சி-உயர் தொழில் நுட்பம் அனைத்தும் பள்ளிக் கல்வித்துறையில் இணைக்கப் படும். குழந்தைகளிடம் என்ஓசி வாஙகித்தான் சினிமா வெளிவரும்.

(4) படிக்கும்போதே பிடித்த வேலையில் பயிற்சி. தொடர்நது வேலை. சம்பளம் கிடையாது. அனைத்து வசதிகளையும் அரசே தரும்.

(5) இராணுவம் கலைக்கப்படும், பொதுமக்கள் அனைவரும் இராணுவப் பயிற்சியோடு, அவரவர் வேலைகளைச் செய்யவேண்டும்.

(தேவைன்னா வீட்டுக்கு ஒரு ஆள் வந்தா எதிரிநாடு கலங்கிடும்ல..?)

(6) லஞ்சம், சாதி, வறுமை, கல்லாமை, ஆண்-பெண் ஏற்றத் தாழ்வு அனைத்தும் களையப்படும் வரை ஒருவருக்கு ஒருகோடி ரூபாய்க்கு மேல் உள்ள சொத்துகள் அனைத்தும் பறிமுதலாகும்.

(7) வாகனங்களில் இருக்கைகள் நிரப்ப்ப் பட்ட பின்னரே இலவச பெட்ரோல் நிரப்பப்படும். காரில்போனால் 4பேர் போகவேண்டும் .இல்லையெனினல் வாகனம் பறிமுதல் செய்யப்படும்.

அப்பறம் அப்பப்ப விகிதாச்சாரத் தேர்தல் முறையில் மக்களின் கருத்துக்கணிப்புடன் ஆண்டுதோறும் ஆட்சிமாற்றம். (நீ என்ன பழைய மந்திரியா? சரிவுடு நா பழைய முதல்மந்திரி.. அந்தா சைக்கிள்ல போறவரத் தெரியிதா, முன்னாள் பிரதமரு..) இன்னும் நிறைய இருக்கு.

தேர்தலில் ஓட்டுப் போடாதவர்க்கு அரசின் இலவச மருத்துவம் ஓராண்டுக்கு நிறுத்தப்படும். கணினி வழியே ஒவ்வொரு தெருவிற்கும் ஒரு வாக்குச்சாவடி.

    

10.மானிடப் பிறவி தவிர வேறென்ன பிறவி எடுக்க விரும்புகிறாய்?

வேறென்ன கேட்கப் போறேன்.? இறைவனாகப் பிறக்கத்தான் (அப்பாடா இறைவன் என்றொரு பிறவி இல்லாததால் “அடுத்த பிறவி இல்லை“ எனும் எனது முதல் பதில் சரிதான் என்கிற முடிவுக்கு எல்லாரும் வந்துடுவாங்கல்ல..? அதான நமக்கு வேணும்! எப்புடீ?)

-------------------------------------------------- 
(மைதிலீ... நீ சூப்பரா பதில் சொல்லித் தப்பிச்சிட்ட...!
  தம்பி மதுவை மாட்டிவிட்டுட்டம்ல..? )

-------------------------------------------------------------------

சரி இப்ப நம்ப பந்த அடுத்த 10 பேருக்கு உதைச்சு (பந்தைத் தானுங்க) அனுப்பணும்.... யாருங்க அங்க ?

(1)   மூங்கில் காற்று தி.ந.முரளிதரன் - http://www.tnmurali.com/
(2) ஆங்கில விஞ்ஞானி-கஸ்தூரி-http://www.malartharu.org/  

(3)   ஊமைக்கனவுகள் விஜூ - http://oomaikkanavugal.blogspot.in/

(4)   கவிஞர் சிவக்குமாரன்http://sivakumarankavithaikal.blogspot.com/ 

(5)   எண்ணப்பறவை - http://mahaasundar.blogspot.in/

(6)   அன்புத் தங்கை கிரேஸ் - http://thaenmaduratamil.blogspot.in/

(7)   அய்யா கவியாழியார் - http://kaviyazhi.blogspot.com/

(8)   சென்னைத் தங்கை சசிகலா - http://veesuthendral.blogspot.in/

(9) ஏ.இ.ஓ.சகோதரி ஜெயா-http://jayalakshmiaeo.blogspot.in/
(10)தம்பி அ.பாண்டியன் -http://pandianpandi.blogspot.com/

இதில் ஒரு சிலர் பெயர்கள் மற்றவர்களின் பட்டியலிலும் இருப்பதால், அவர்களின் பெயர்களை எடுக்காமலே வேறு சிலரையும் சேர்த்துவிடுகிறேன்... (இது ஒன்னும் “வாச்சாங்கோலி” இல்ல..பட்டியலில் எனது பதிவின் எண் மாற்றம் கண்டு செய்த மாற்றம் தான் ...மன்னிக்கவும்)

(1) மதுரைத் தமிழன் - http://avargal-unmaigal.blogspot.com/
(2) முனைவர் வா.நேரு - http://vaanehru.blogspot.in/
(3) யாழ்பாவாணன் - http://eluththugal.blogspot.in/
(4) கவிஞர் இளமதி - http://ilayanila16.blogspot.in/
ஆகியோரை இத்துடன் இணைக்கிறேன்.

அப்பாடா... இனி அவுங்க பாடு...!

எங்க பாப்பமே?

என்னதான் பண்றாங்கன்னு...

---------------------------------------------------