எங்கள் மலேசியப் பயணமும், எனது பொதிகை நேர்காணலும்

எங்கள் மலேசியப் பயணமும்,

எனது பொதிகை நேர்காணலும்

நண்பர்களே, வணக்கம்.
எனது இரண்டு நிகழ்ச்சிகளை, 
உங்களோடு பகிர்ந்து கொள்வதில் மகிழ்ச்சியடைகிறேன்

(1)        02-12-2014 முதல் 19-12-2014 முடிய 
மலேசியா நாடு முழுவதும்
எங்கள் பட்டிமன்ற நிகழ்ச்சிகள்
நடைபெறவுள்ளன.

திண்டுக்கல் ஐ.லியோனி, 
திருமதி அமுதாலியோனி, 
மதுக்கூர் இராமலிங்கம், 
கோவை தனபால், சென்னை விஜயகுமார் இவர்களுடன் நானும் பேச இருக்கிறேன்.

நிகழ்ச்சிகள் அனைத்தும் கட்டண நிகழ்ச்சிகள்.

எனவே, அந்தந்த ஊரில் முற்பகல் வேளைகளில் நம் வலை-இலக்கிய நண்பர்களைச் சந்திக்க முடிந்தால் பெரிதும் மகிழ்வேன்.

நமது வலை நண்பர் திரு.ரூபன் அவர்களுடன், புதுக்கோட்டையை சொந்த ஊராகக் கொண்டு, தற்போது மலேசியாவில் இருக்கும் எழுத்தாளர் திரு பீர்முகமது மற்றும் மலேசியத் தமிழிலக்கிய நண்பர்களைச் சந்திக்க ஆவலுடன் காத்திருக்கிறேன்...

குறிப்பாக அங்குள்ள கவிஞர்களின் கவிதைத் தொகுப்புகள் கிடைத்தால் பெரிதும் மகிழ்வேன். (1975முடிய தொகுக்கப்பட்ட “மலேசியத் தமிழ்க்கவிதைக் களஞ்சியம்“ நூலை அங்கு வாங்கவேண்டும்)

மடிக்கணினி இருப்பதால் அங்கிருந்துகொண்டே நம் நண்பர்களுடன் வலைவழித் தொடர்பு கொள்ள முடியும் என்றே நம்புகிறேன். பார்க்கலாம்.

(2)        சனிக்கிழமை தோறும் மாலை 5.30முதல் 6மணிவரை பொதிகைத் தொலைக்காட்சியில் ஒளிபரப்பாகும் “இலக்கிய ஏடு“ பகுதியில் எனது நேர்காணல் வரவிருக்கிறது. பத்துநாள் முன்பு பதிவு செய்யப்பட்ட எனது நேர்காணல், வரும் டிசம்பர் முதல் அல்லது இரண்டாவது சனிக்கிழமை ஒன்றில் ஒளிபரப்பாகக்கூடும்.

அதற்கு ஒரு வாரம் முன்னதாகவே இதுபற்றிய நிகழ்ச்சி விளம்பரம், பொதிகையிலேயே வரும். நண்பர்கள், நமது வலை-இலக்கிய நட்பு-உறவினர் அனைவர்க்கும் தெரிவித்துப் பார்க்கச் சொல்லி, தங்கள் கருத்துகளை எனது மின்னஞ்சலுக்கோ நமது இந்த வலைப்பக்கப் பின்னூட்டத்திலோ தெரிவிக்குமாறு அன்புடன் வேண்டுகிறேன்.

தேவகோட்டை சேவுகன் அண்ணாமலை கலை-அறிவியல் கல்லூரியின் தமிழ் விரிவுரையாளரும் கவிஞரும் பேச்சாளருமான முனைவர் கண்ணதாசன் அவர்கள், எனது நேர்காணலை எடுத்திருக்கிறார்கள்.

இயலுமெனில் இந்த ஒளிபரப்பை நமது நண்பர் யாரேனும் யூ-ட்யூபில் ஏற்றி, அந்த இணைப்பை எனக்குத் தெரிவித்தால் நமது வலைப்பக்கத்தில் நன்றியுடன் பதிவேற்றுவேன் என்பதையும் அன்புடன் தெரிவித்துக் கொள்கிறேன்.

எனது மின்னஞ்சல் –muthunilavanpdk@gmail.com

------------------------ 

திண்டுக்கல் திரு ஐ.லியோனி அவர்களின் பட்டிமன்றம் மற்றும் பாட்டுமன்ற நிகழ்ச்சிகள் நடைபெறும் நாள்கள் மற்றும் இடங்கள் வருமாறு.

02/12/14- TRICHY TO KUALA LUMPUR     

03/12/14 – PRESS CONF.

04/12/14 – SUNGAI PETANI

05/12/14 – BUTTERWORTH

06/12/14 – KULIM

07/12/14 – Alor Star

08/12/14 – PARIT BUNTAR

09/12/14 – REST AT PANGKOR ISLAND

10/12/14 – SHAH ALAM

11/12/14 – Batu caves

12/12/14 – KUALA SELANGOR

13/12/14 – KUALA LUMPUR

14/12/14 – KLANG

15/12/14 – SERDANG

16/12/14 – KUALA LUMPUR                       17/12/14 – BENTONG

18/12/14 – KULUANG

19/12/14 – JOHOR

20/12/14 -  RETURN TO CHENNAI

---------------------------------------