இப்படி இருக்கணும் புத்தாண்டு வாழ்த்து

(முனைவர் நா.அருள்முருகன் அவர்கள்)

வாழ்த்துவதில் கூட இத்தனை பொருள் இருக்க முடியுமா என்று என்னை வியந்து மகிழ்ந்து சிந்திக்க வைத்த வாழ்த்து ஒன்றை நம் வலைப்பக்க நண்பர்களுடன் பகிர்ந்து கொள்ள விரும்புகிறேன்

ஆண்டுதோறும் புத்தாண்டின்போது -நல்ல மனசோடுதான் என்றாலும்- வாழ்த்துவதற்கு ஒரு வரைமுறை இல்லாமல் போய்விட்டது.

வாழ்த்துவோரும் வாழ்த்தப்படுவோரும் அதன்படி வாழ்ந்துவிடுவதும் இல்லை என்று தெரிந்துதான் வாழ்த்துகள் எல்லாம் வாரி வழங்கப்படுகின்றன. எனினும் அன்பைத் தெரிவிக்கும் ஒரு வழியாகவே அனைவருமே வாழ்த்துகிறோம், வாழ்த்தை ஏற்கிறோம்.

ஆனால் –

வாழ்த்துவதில் கூட இத்தனை பொருள் இருக்க முடியுமா என்று என்னை வியக்கவும் மகிழவும் வைத்த வாழ்த்து ஒன்றை நம் வலைப்பக்க நண்பர்களுடன் பகிர்ந்து கொள்ள விரும்புகிறேன் படைப்பு வெளிவந்த இதழ்- “காக்கைச் சிறகினிலே“ (2015 சனவரி)

இணைப்புக்குச் சென்று படித்துவிட்டு 

அதன்பின் மேலே படியுங்கள் –

http://nadainamathu.blogspot.com/

படித்துவிட்டீர்களா?  

வாழ்த்துச் சொன்னவர் யார் தெரியுமோ? 

  புதுக்கோட்டை மாவட்டத்திற்குப் புகழ்சேர்த்த 
எங்கள் முதன்மைக் கல்வி அலுவலர் 
திருமிகு முனைவர் நா.அருள்முருகன் அவர்கள்
(தற்போது கோவை மாவட்ட மு.க.அ.) 
இந்த வாழ்த்து கடிதத்தை எழுதியிருக்கிறார்கள். 

அரிய அழகியல் பார்வையோடு அலுவலைப் பார்ப்பவர்,

அலுவலக கறார்த் தன்மையில் இலக்கியம் படைப்பவர். (எந்தச் சொல்லும் வீணாக இடம்பெறாத எழுத்துகள்!)

வாழ்த்துவதற்கு அவருக்கு மிகுந்த தகுதி உண்டு.

வாழ்த்தப் பெறுவோரும் அவரது இந்த எதிர்பார்ப்பை நிறைவேற்றினால் அவர் மட்டுமல்ல தொடர்புடைய அனைவருமே மகிழ்வோம்.

இந்த அருமையான வாழ்த்து “காக்கைச் சிறகினிலே” சனவரி-2015 இதழில் வெளியானது. ரொம்பநாளாகவே அருமையாக வெளிவந்துகொண்டிருக்கும் இவ்விதழுக்கு ஐந்தாண்டுச் சந்தாக் கட்டவேண்டும் என்று நினைத்தும் அவ்வப்போது மறந்தும் வந்தேன். இந்தப் படைப்பு அந்த நினைப்பை உடனடியாக நடைமுறைப்படுத்த என்னைத் தூண்டியது. ரூ.1,250கட்டிவிட்டேன். அப்ப நீங்க..?

எடுத்துக் காட்டான இவ்வாழ்த்தை எழுதிய முனைவர் நா.அருள்முருகன் அவர்களுக்கும், இதனை வெளியிட்ட “காக்கைச் சிறகினிலே“ சமூக-இலக்கிய மாதஇதழ் ஆசிரியர் குழுவிற்கும் என் பாராட்டுகளும் நன்றியும்.
--------------------------------