எனக்குப் பிடித்த கவிதைகள் – 3/100, 'நாமெல்லாம் குருடர்கள்'

எனக்குப் பிடித்த கவிதைகள் – 3/100

நாமெல்லாம் குருடர்கள்!

 மார்ச்-17, 2015 செய்தித்தாள் படம்

கண் என்பதே இரக்கத்தின் அடையாளம்தான், இரக்கமே இல்லாதவர்க்கு எதற்காகக் கண்கள் இருக்கின்றன? என்று கேட்பார் திருவள்ளுவர். ஆனால், இரண்டு கண்களிலும் பார்வை நன்றாக உள்ளவர்கள்தான் அநேக நேரங்களில் குருடர்களாக இருக்கிறோம்.

கண் தெரியாதவர்களுக்கு இருக்கும் சரியான “பார்வை“ நமக்கு இருப்பதில்லையே ஏன்? என்று நம் உச்சிமுடியைப் பிடித்து உலுக்கிக் கேட்கும் இந்தக் கவிதை எனக்குப் பிடித்த கவிதைகளில் ஒன்று. 

இதோ அந்தக் கவிதை-

கண்ணில்லாதவர்கள்

கையேந்துகிற போது,

நாமெல்லாம் குருடர்கள்

எழுதியவர் -கவிஞர் தங்கம் மூர்த்தி
(“முதலில் பூத்த ரோஜா“)

இந்தக் கவிதையை அவர் எழுதிப் பல்லாண்டுகள் ஆகின்றன. ஆனால், நாம்தான் இந்தக் கவிதையை இன்று நினைத்துக் கொள்வது போலும் நிகழ்வுகளைப் “பார்த்து”க் கொண்டிருக்கிறோம்.

------------------------------------------------