பொதிகைத் தொலைக்காட்சி - நா.முத்துநிலவன் நேர்காணல் - மறுஒளிபரப்பு

பொதிகைத் தொலைக்காட்சி
நா.முத்துநிலவன் நேர்காணல்

மறுஒளிபரப்பு- 

(அடப்பாவமே! எத்தன தடவை ஒளிபரப்பினாலும் அதுதானே வரப்போகுது? வருத்தம் தான் வருமே தவிர திருத்தம் எதும் வருமா என்ன?னு கேக்குறது யாருப்பா மதுரைத் தமிழனா?) 

நமது வலைப்பக்கத்தில் தெரிவித்திருந்தது போல பொதிகைத் தொலைக்காட்சியில்  நமது நேர்காணல், அந்த வாரம் ஒளிபரப்பாகவில்லை. அதற்கு அடுத்தவாரம் 20-12-2014, சனிக்கிழமை மாலைதான்  ஒளிபரப்பானது.

நானும் அன்று காலைதான் மலேசியாவிலிருந்து சென்னை வந்திருந்தேன். பொதிகைத் தொலைக்காட்சியில் எனது நேர்காணல் வந்துகொண்டிருந்த அதே(மாலை5.30) நேரத்தில், கலைஞர் தொலைக்காட்சியின் ஆங்கிலப் புத்தாண்டு தினச் சிறப்பு நிகழ்ச்சியாக ஒளிபரப்பாக உள்ள பட்டிமன்ற ஒளிப்பதிவு நடந்துகொண்டிருந்ததால் நானும் பொதிகை நேர்காணலைப் பார்க்க முடியவில்லை! (அடுத்தநாள் அதாவது இன்று, புதுக்கோட்டை வந்து, பதிவு செய்து வைத்திருப்பதாக நண்பர் தங்கம் மூர்த்தி சொன்னதைக் கேட்டு மகிழ்ந்தேன். நாளைதான் வாங்கிப்போட்டுப் பார்க்க வேண்டும்)

பொதிகைத் தொலைக்காட்சியின் இலக்கியப் பகுதிப் பொறுப்பாளர் திரு பன்னீர் அவர்களிடம் கேட்டேன். அவர், “நீங்கள் மலேசியா போயிருப்பதாக அறிந்துதான் அந்தவாரம் ஒளிபரப்பவில்லை,  நீங்கள் வந்துவிடுவீர்கள் என்று தெரிந்துதான் இந்தவாரம் ஒளிபரப்ப ஏற்பாடுசெய்தேன்” என்றார்! இதே நேர்காணல் வரும் 23-12-2014 செவ்வாய்க் கிழமை நண்பகல் ஒருமணிக்கு மீண்டும் ஒளிபரப்பாக உள்ளதையும் தெரிவித்தார். 

எனவே, நேற்றுப் பார்க்காத நண்பர்கள் -

23-12-2014 செவ்வாய்க்கிழமை 

மதியம் 1.00 முதல் 1.30வரை 

மறுஒளிபரப்பாகவுள்ளது 

 நிகழ்ச்சியை அவசியம் பார்த்துவிட்டு, நமது வலைஇலக்கியம் பற்றியும் அதில் நான் கருத்துத்தெரிவிப்பதைப் பற்றிய உங்கள் கருத்துகளை மறக்காமல் பின்னூட்டமிட வேண்டுகிறேன்.

------------------------------------------

(விடமாட்டம்ல? “அடடே அப்படியா? முந்தியே தெரி்ஞ்சிருந்தாப் பாத்துருப்பேனே?“ என்று சொல்லிக் கழன்றுகொள்ள நினைத்தவர்களை மாட்டிவிட்டம்ல..?

விடுவமா? எப்புடீ? “அப்பாடா ஆள் மலேசியா போனதுல 20நாள் நிம்மதியா இருந்தோம்.. வந்துட்டான்யா.. வந்துட்டான்..னு அங்க ம.த. மைண்ட் வாய்ஸ் ஏதோ கேக்குதுபோல...?) 

-------------------------------------------------------------------------