நிகழ்ச்சி அமைப்பாளர்கள் நின்றுகொண்டே இருக்கிறார்களே, ஏன்?

 உழைத்து,  நிகழ்ச்சியை நடத்துகிறவர்கள், நிகழ்ச்சி நடந்துகொண்டிருக்கும்போது பெரும்பாலும் நின்றுகொண்டே இருக்கிறார்களே, ஏன்?
-சின்னச் சின்னச் சிந்தனைகள்...2

(நேற்று எங்கள் ஊர் மாமன்னர் கல்லூரியில் செம்மொழி ஆய்வு நிறுவனத்தின் சார்பில்- முத்தொள்ளாயிரம்  ஆய்வரங்கம்  நடந்தது.

அந்த நிகழ்வைக் கடந்த ஒருமாதமாக உழைத்து, தலைப்புகளை யோசித்து, பொருத்தமானவர்களை அழைத்துப் பேசவைத்த பேராசிரியர் முனைவர் அ.செல்வராசு, முதலில் காலை அமர்வின் பெரும்பாலான நேரம் நின்றுகொண்டே இருந்ததைப் பார்க்க வருத்தமாக இருந்தது. பிற்பகல் அமர்வில் பேசவேண்டிய நான், தமிழறிஞர் முனைவர் கு.வெ.பாலசுப்பிரமணியன் அய்யா அவர்களின் பேச்சைக் கேட்பதற்காகவே காலையில் போய்விட்டேன். என்னைப் பார்த்த கல்லூரி முதல்வர் முனைவர்  த.மனோகரன் அவர்கள் முதலில் நான்மறுத்தும், வருந்தி அழைத்து என்னையும் மேடையில் அமரவைத்து விட்டார். (நாங்கள் 1985-86 ஜேக்டீ போராட்ட சிறை நண்பர்கள்!) விருந்தினனாய்ச் சென்ற நான் அவரை அழைத்து உட்கார வைப்பது நன்றாக இருக்காதே என்று தயங்கிக்கொண்டே இருந்தேன். பின்னர் தமிழ்த்துறைத்தலைவர் முனைவர் சி.சேதுராமன் அவர்கள் இதைக் கவனித்து அவரையும் அழைத்து மேடையில் உட்கார வைத்தது நிம்மதியளித்தது.)

 -----------------------------------------------------------------------------