நேற்று திருச்சி இன்று அருப்புக்கோட்டை நாளை விருதுநகர் மறுநாள் திண்டுக்கல்!

நேற்று திருச்சி 
இன்று அருப்புக்கோட்டை

நாளை விருதுநகர் 
மறுநாள் திண்டுக்கல்!

மேமாதம் என்றாலே நிகழ்ச்சிகள் நிறைய நடக்கும். பங்குனி – சித்திரை முழுவதையும் விழாக்களுக்காக ஒதுக்கிய தமிழர்களின் நிலவியல் மற்றும் உளவியல் நோக்கை நினைத்தால் வியப்புத்தான்...

அரசுப் பணி ஓய்வு பெற்றாலும் எழுதுவதையும் பேசுவதையும் நிறுத்த முடியாத நிலையில் நானும் ஓடிக்கொண்டே இருக்கிறேன்...

மே-3ஆம் தேதி கந்தர்வன் நூலகத்தில் புத்தக்க் கொடையுடன் சொற்பொழிவுகள்.. அதோடு, “கொம்பன்“ திரைப்படத்தில் பாடல்கள் எழுதிய நம் தனிக்கொடிக்கு ஒரு பாராட்டுவிழா! (படம்)

“கொம்பன்“ பாடலாசிரியர் தனிக்கொடியை நூல்கள் வழங்கிப்
பாராட்டுகிறார் கவிஞர் மதுக்கூர் ராமலிங்கம்

இடையில் எனது 60ஆம் பிறந்த நாள் - நான் நண்பர்களை அழைத்து நடத்துமளவுக்கு நேரமோ மனநிலையோ இல்லாவிட்டாலும் என்மீதிருந்த அன்பின் அடையாளமாக நண்பர்கள் தங்கம்மூர்த்தி, பதிவர் தம்பதியினர் கஸ்தூரி தங்கை மைதிலியோடு, ஏஇஇஓ ஜெயாம்மா, நண்பர் மகா.சுந்தர் பதிவர் சகோதரி கீதா, முதலானவர்கள் நேரில் வந்திருந்தது நெகிழ்ச்சியூட்டுவதாயிருந்தது. தமிழாசிரியர்கழக  மாவட்டச் செயலர் குரு தமது வாழ்த்தை அடடையாக்கி அனுப்பியிருந்தார்... அந்தப் படம் இது -

அன்போடு வீட்டுக்கு வந்து என் பேத்தி செம்மொழியோடு பேசி மகிழ்ந்துசென்ற என் அன்புத் தங்கை மைதிலி செம்மொழி பற்றி எழுதிய கவிதை என்பேத்தியைப் போலவே அழகானது.

http://makizhnirai.blogspot.com/2015/05/small-wonder-semmozhi.html

வலைப்பதிவரும் கவிஞருமான தங்கை கீதாவும் ஒரு பதிவு போட்டு என்னைக் கூச்சப்படவைத்துவிட்டார். http://velunatchiyar.blogspot.com/2015/05/blog-post_11.html

13-05-2015 அன்று, உடுமலையில்  அறிவியல் இயக்கம் மற்றும் ஓய்வுபெற்ற ஆசிரியர் அமைப்புகள் “அரசுப்பள்ளிகளைப் பாதுகாப்போம்“ எனும் கருத்தரங்கில் அறிவியல் இயக்க மாநிலத் தலைவர் பேரா.ந.மணி அவர்களுடன் நானும் பங்கேற்ற ஒரு கருத்தரங்கு.. (படம்)

கடந்த வாரம் சென்னையில் ஏர்வாடி திரு இராதா கிருஷ்ணன் அவர்கள் வழங்கிய – நமது நூலுக்கான முதல் விருது மற்றும் முதல்பரிசு விழாவில் வலை நண்பர்கள் கவியாழி, மதுமதி, மற்றும் சகோதரியைச் சந்தித்து வந்தது மகிழ்வாக இருந்தது. சகோதரி கீதா வந்திருந்தும் பார்க்கமுடியாத நிலை வருத்தம்தான்.  

----------------------------------------- 

நேற்று 22-05-2015 திருச்சியில் பெல் நிறுவன மனமகிழ் மன்றத்தில் மேதினப் பட்டிமன்றம்!

இன்று 23-05-2015 அருப்புக்கோட்டை..

நாளை 24-05-2015 விருதுநகர் அருகில் சாத்தூர் (தமுஎகச செயற்குழ)

மறுநாள் 25-05-2015 திண்டுக்கல்..

இடையில் நம் மலேசிய வலைநண்பர் திரு ரூபன் அவர்களின் அன்பின் விருது! மதுரை ரமணி அய்யா அவர்களுடன் எனக்கும் தந்திருப்பதாக ஒரு தகவல்

http://www.trtamilkkavithaikal.com/2015/05/2015.html இது நம் நண்பர் ரூபன் அவர்களின் அன்பன்றி வேறல்ல!

30-05-2015 – ஆலங்குடி தமுஎகச கலைஇரவு!

31-05-2015 திருப்பூர் காலை பாரதி கல்விமையம் இரண்டாமாண்டு தொடக்கவிழா, மாலையில் வாலிபர் சங்க வகுப்பு “மறைக்கப்பட்ட இந்திய வரலாறு!” எனக்கான தலைப்பு!

அடுத்தமாதம் குறிப்பிடத்தக்க இரண்டு நிகழ்வுகள் –

06-06-2015 வேலூரில் நமது வலைப்பதிவு உறவினர் திரு விசு ஆவேசம் http://www.visuawesome.com/ அவர்களின் நூல் வெளியீட்டுவிழா நம் திண்டுக்கல் தனபாலன் அவர்களின் இந்தப் பதிவு பார்க்க –

http://dindiguldhanabalan.blogspot.com/2015/05/visuawesome.html

19-21-06-2015  -  3நாள் - சென்னை அண்ணா நகர் 
எஸ்.பி.ஓ.ஏ. பள்ளி  
கல்வி, கலை, சூழல் 3நாள் கருத்தரங்கு

(இன்னும் இடைநாள்களில் என்னென்ன நிகழ்வுகள் வர இருக்கின்றனவோ.. அப்பத்தானே தெரியும்?!)

 உடலில் சக்தியிருக்கும் வரை      
ஓடிக்கொண்டே  இருப்போம்!