“அடிவானம் நோக்கிச் சில அடிகள்“ -முனைவர் பா.மதிவாணன் அவர்களின் நூல் வெளியீட்டு விழா.

திருச்சி - பாரதிதாசன் பல்கலைக்கழகத் 

தமிழ்த்துறைத் தலைவர் 

முனைவர் பா. மதிவாணன் அவர்கள் எழுதிய  “அடிவானம் நோக்கிச் சில அடிகள்”, ”தொல்காப்பியம் பால.பாடம்”

நூல்கள் வெளியீட்டு விழா

        தஞ்சாவூர் பெசன்ட் அரங்கில் முனைவர் பா. மதிவாணன் எழுதிய அடிவானம் நோக்கிச் சில அடிகள் மற்றும் தொல்காப்பியம் பால. பாடம் நூல்கள் வெளியீட்டு விழா 01-08-2014வெள்ளிக்கிழமை நடைபெற்றது. இதில் தஞ்சாவூர் தமிழ்ப் பல்கலைக்கழகத்தின் துணைவேந்தர் ம. திருமலை நூல்களை வெளியிட, பாரதிதாசன் பல்கலைக்கழகத்தின் முன்னாள் தமிழியல் துறைத் தலைவர் மா. இராமலிங்கம் (எழில்முதல்வன்) முதற்படியை பெற்றுக் கொண்டார்.
நூல்வெளியீட்டுவிழாவில் இடமிருந்து வலகமாக, அய்யா நிலையப் பதிப்பக  நிர்வாகி தங்க.செந்தில்குமார், பேராசிரியர் முனைவர் பா.மதிவாணன், நூல்களைப் பெற்றுக்கொண்ட -முனைவர் எழில்முதல்வன், நடுவில் முனைவர் அ.தெட்சிணாமூர்த்தி, நூல்களை வெளியிடும் தமிழ்ப்பல்கலைக்கழகத் துணைவேந்தர் முனைவர் மா.திருமலை,
மற்றும் கவிஞர் நா.முத்துநிலவன் ஆகியோர் உள்ளனர்.
-------------------------------------------------------------------------------------------- 
விழாவில் கவிஞர் நா. முத்துநிலவன் பேசியது:  அடிவானம் நோக்கிச் சில அடிகள் மற்றும் தொல்காப்பியம் பால. பாடம் ஆகிய நூல்கள் எழுதிய முனைவர் பா. மதிவாணனின் தந்தை பாவலரேறு    ச.பாலசுந்தரம் அவர்களை இந்தத் தருணத்தில் நினைத்துப் பார்க்க வேண்டியுள்ளது. ச. பாலசுந்தரம் சங்கத் தமிழ் இலக்கியத்தை பின்பற்றியவர். அவரது மகன் மதிவாணன் நவீன தமிழ் இலக்கிய காலத்தில் உள்ளார். மதிவாணன் நூல்களில் சமூக பார்வை உள்ளதை பார்க்க முடிகிறது என்றார். 
விழாவில் தஞ்சாவூர் தமிழ்ப் பல்கலைக்கழக துணைவேந்தர் முனைவர் ம. திருமலை பேசியது:
        மதிவாணன் புத்தகத்தில் தேசிய பார்வை, பொதுவுடைமை சிந்தனை உள்ளது. அவரது கட்டுரைகளில் இலக்கியங்களை வரலாற்றுப் பார்வையில் பார்க்கும் முறை நடைபெற்றுள்ளது என்றார்.
        நூல்கள் வெளியீட்டு விழாவுக்கு மதுரை செந்தமிழ்க்கல்லூரி முன்னாள் முதல்வர் அ. தட்சிணாமூர்த்தி தலைமை வகித்தார். விழாவில் தஞ்சாவூர் மருதுபாண்டியர் கல்லூரி முதல்வர் இலக்குமி குமாரன் ஞானதிரவியம், தமிழ்ப் பல்கலைக்கழக பேராசிரியர் இரா. காமராசு ஆகியோர் கருத்துரை வழங்கினர். நூல்களின் ஆசிரியர் பா. மதிவாணன் ஏற்புரை நிகழ்த்தினார்.இதில் சேக்கிழார் அடிபொடி டி.என். ராமச்சந்திரன் உள்ளிட்ட பலர் பங்கேற்றனர்.
-நன்றி-தினமணி-03/08/2014 (திருச்சி,தஞ்சை,புதுகைப் பதிப்புகள்)
------------------------------------------------

அடிவானம் நோக்கிச் சில அடிகள்
அணிந்துரை -
கவிஞர் ஈரோடு தமிழன்பன், சென்னை.
உள்ளடக்கம் -
1.நாட்டியலும் பாட்டியலும்,
2.நாட்டுப்பாடல்கள் - ஒரு கண்ணோட்டம்,
3.கலாநிதி கைலாசபதி,
4.பழந்தமிழின் புத்தெழுச்சி,
5.வடிவநோக்கில் புதுக்கவிதை,
6.வ.உ.சி.யின் நாட்டொருமைச் சிந்தனைகள்,
7.பாரதிநோக்கில் பாட்டு-செய்யுள்-கவிதை,
8.பெரியபுராணம் -சுவடிவழி ஆய்வுப்பதிப்புகள்,
9.தெ.ச.சொக்கலிங்கத்தின் “காந்தி“ இதழ்கள் அறிமுகம்,
10.விதியே..விதியே..(எழுத்துச் சீர்மை),
11.புதுமைப்பித்தன் சிறுகதைகளில் மக்களாட்சிப்பண்புகள்,
12.நச்சினார்க்கினியர்,
13.அண்மைக்கால வரலாறு-ஆவணப்படுத்தல் பற்றி
14.பாரதியின் சொல்பதிவுகள்
15.தமிழ் இதழியல் நடையின் வரலாற்றுப்போக்குகள்,
16.திராவிட இலக்கியம் -உடைப்பு-கட்டமைப்பு-செழுமை,
17.மயிலையாரின் இலக்கிய வரலாற்றாய்வு
--------------என 17ஆய்வுக் கட்டுரைகளின் தொகுப்பு.
பக்கம் -168, விலை ரூ.125,
--------------------------------------

தொல்காப்பியம் பால.பாடம்
அணிந்துரை-
பேரா.சி.கு.வெ.பாலசுப்பிரமணியன்,
மேனாள் இலக்கியத்துறைத் தலைவர்,
தமிழ்ப்பல்கலைக்கழகம், தஞ்சை.
உள்ளடக்கம்-
பகுதி-1
1.இலக்கண அமைதி,
2.பொருள் தெளிவு,
3.கொள்கை நோக்கு,
4.காரணம் விளங்காமை
பகுதி-2.
1.தமிழ்மரபில் செவ்வியல் இலக்கிய உரைதிறன்
2.சங்க இலக்கியக் கால வரையறை
3.தொல்காப்பியத்தில் “பாடம்“இல்லை
4.குறுந்தொகைப் பதிப்புகள்,
5.ஞெண்டொன்று கண்டேன், நண்டங்கு இல்லை
6.நெய்தற்கலிப் பாடமீட்பு -இரு பாவேறுபாடுகள்..
7.தொல்காப்பிய அணுகுமுறையில் நவீன இலக்கியங்கள்,
8.கு.ப.ரா.கதைகளில் தமிழ்ச்செவ்வியல் இலக்கியச் சாயல்.
------------என 12 ஆய்வுக் கட்டுரைகளின் தொகுப்பு
பக்கம்-128, விலை ரூ.125


-------------------------------
இருநூல்களின் வெளியீடு,
முனைவர் தங்க.செந்தில்குமார்.
அய்யா நிலையம்,
கதவு எண்-1603, 
ஆரோக்கிய நகர் 5ஆம் தெரு,
மின்வாரியக் காலனி,
நாஞ்சிக்கோட்டை சாலை,
தஞ்சாவூர்-613 006
அலைபேசி - 9443007623
--------------------------------
நன்றி - 
1) முனைவர் பா.மதிவாணன் அவர்களின் வலைப்பக்கம்-
http://inithuinithu.blogspot.in/2014/08/blog-post.html
(2) தினமணி வலைப்பக்கம் -
http://www.dinamani.com/edition_trichy/tanjore/2014/ 08/03/ 
----------------------------------------------------------------------------------

“நாய்க்கு வேலை இல்லயாம், உட்கார நேரமில்லயாம்“

வலைப்பக்க வாசகர்கள் மன்னிக்க...

“நாய்க்கு வேலை இல்ல, உட்கார நேரமில்ல“  என்னும் பழமொழி எனக்காகவே உருவானதோ என்னும் நினைவு கடந்த ஒருமாதமாக (நான் அரசுப்பணி ஓய்வு பெற்றதிலிருந்து)  ஓடிக்கொண்டிருக்கிறது.

வரும் செப்டம்பர் ஏழு (07-09-2014-ஞாயிறு மாலை) புதுக்கோட்டையில் எனது 3 நூல்களின் வெளியீட்டு விழா ஏற்பாடுகள் நடந்து வருகின்றன...

புதுக்கோட்டையின் பிரபல கல்வியாளரும், சாகித்திய அகாதெமியின் ஆலோசனைக் குழு உறுப்பினரும், பாரதிதாசன் பல்கலைக் கழக ஆட்சிக் குழு உறுப்பினருமான என் இனிய நண்பர் கவிஞர் தங்கம் மூர்த்தி அவர்களின் தலைமையில்  இந்த எனது நூல் வெளியீட்டுவிழா ஏற்பாடுகள் நடந்து வருகின்றன....

விஜய் டிவி மகாபாரதத்தில் “சகுனி“யின் அற்புத நடிப்பு!

       

தொடர்ந்து பார்க்க வில்லை என்றாலும்,வாய்ப்புக் கிடைக்கும் போதெல்லாம் நான் பார்க்கும் இரண்டு தொடர்களில் ஒன்று விஜய் டிவியில் வரும் மகாபாரதம். தமிழில் நாமறிந்த கதைகளில் சிற்சில மாற்றங்களோடு, வாழ்வியல் உண்மைகளை அள்ளித் தெளித்துவரும் வசனம் ஒரு காரணம் என்றால், அதில் நடிக்கும் கிருஷ்ணன் மற்றும் சகுனியின் நடிப்புக்கு நான் ரசிகனாகிவிட்டேன்.

சென்னை-அருகில் இருக்கும் நண்பர்களுக்கு ஓர் அன்பான அழைப்பு

வலை நண்பர்களுக்கு ஒரு மகிழ்ச்சியான செய்தி -



மறைந்த எழுத்தாளர் ஜெயந்தன் நினைவாக, மணப்பாறையில் இயங்கும் ‘செந்தமிழ் அறக்கட்டளை’  ஒவ்வொரு ஆண்டும் சிறந்த இலக்கிய நூல்களைத் தேர்ந்தெடுத்து விருதுகள் வழங்கி வருகிறது.


புதியமாதவி எழுதி அண்மையில் (dec - 2013) இருவாட்சி பதிப்பக வெளியீடாக வந்திருக்கும் “பெண் வழிபாடு“ சிறுகதை நூலுக்கு சிறந்த சிறுதைக்கான விருது வழங்கப்பட உள்ளது.

அரசியல் நாகரிகத்தின் முன்னோடி காமராசர்!

நன்றி - தினமணி நாளிதழ்

புதுக்கோட்டை – ஜூலை,16 
      தூய மரியன்னை ஆண்கள் மேல்நிலைப் பள்ளியில் நடந்த காமராசர் விழாவில் சிறப்புரையாற்றிய கவிஞர் நா.முத்துநிலவன், எதிரிகளைப் பழிவாங்கும் அரசியல் உலகில் வித்தியாசமானவர் காமராசர், அவர், தன் கட்சிக்குள் தன்னை எதிர்த்து நின்று தோற்றுப் போனவர்களைத் தனது அமைச்சரவையில் முக்கியமான பொறுப்புக் கொடுத்த அரசியல் நாகரிக முன்னோடி என்று பெருந்தலைவர் காமராசருக்குப் புகழாரம் சூட்டினார்.

கோவை சி.ஐ.ட்டி பொறியியல் கல்லூரியில் தமிழ்மன்றத் தொடக்கவிழா....

கல்லூரியா அது?.. மாபெரும் கல்விக்கடல்... 
ஆழம் அதிகம்.. சாதாரணக் கட்டுமரங்கள் நீண்ட தூரம் செல்ல முடியாதல்லவா? 
தமிழ்நாட்டின் தலைசிறந்த பொறியியற் கல்லூரிகளில் முன்வரிசையில் இருக்கும் கல்லூரி... தமிழ்மணம் கமழக் கமழ நடந்தது!

தமிழ்மன்றத்தின் சார்பில், அருமையான மாணவர் மலர் ஒ்னறையும் ஆண்டுதோறும் வெளியிட்டு வருகிறார்கள்... இந்தக் கல்லூரிப் பொறியியல் மாணவர்களின் தமிழார்வம் என்னை வியக்க மட்டுமல்ல மயக்கவும் வைத்தது. 

திரைப்படக் கவிஞர் நா.முத்துக் குமார்,  
பாரதி கிருஷ்ணகுமார்,  தமிழருவி மணியன் எனப் பிரபலமானவர்கள் வந்த மன்றங்களின் தொடக்கவிழாவில் இந்த வருடம் நான். 

புதுக்கவிதை -- வெற்றிபெற்ற வரலாற்றுச் சுருக்கம்

அப்துல் ரகுமான்
புதுக்கவிதை தோன்றிய சமூகப் பின்னணி:
‘அளவு மாற்றம் குணமாற்றத்தை நிகழ்த்தும்’ எனும் மார்க்சிய விஞ்ஞானம் கலை இலக்கியத்திலும் மெய்ப்பிக்கப்பட்டது.
குழுமக்கள் சமுதாய நிலையின் இறுதியில் படிப்பாளிகள் காதே கருவியாய்த் தத்துவ விளக்கம் தந்து பெற்றுக் கொண்டமைக்கு ‘சுருதிகள்’ (காதால் கேட்கப்பட்டவை என்பது பொருள்) எனும் சொல் வழக்கு சான்றாகும்.

 அன்றைய இந்தச் சமுதாய நிலையில் வெகு சிலரே படிப்பாளிகள் என்பதும் தவிர்க்க முடியாமலிருந்தது
பின்னர் குறுமன்னர்-பெருமன்னர் காலத்தில்-(நிலப்பிரபுத்துவ சமுதாய நிலையில்) ஏடுகளும் எழுத்தாணிகளுமே கருவிகளாய்க் கற்று வந்தனர். இப்போது வட்டம் சிறிதே வரிவடைந்து நின்றது. என்றாலும் அது வெகு ஜனங்களைப் பாதிக்கவில்லை. 

சமச்சீர்க் கல்வி: அரசும், ஆசிரியர்களும்

பாரதி பாடிய ‘வாராது போல்வந்த மாமணியைத் தோற்போமோ?’ எனும் வரிகளைத் தமிழர்கள் பலரும் மறந்துவிட்டோம். ஆனால், எப்போது நினைத்தாலும் மனசைப் பிசையும் அந்த ஏக்க வரிகளை மீண்டும் மீண்டும் நினைவுபடுத்துவதாகத்தான் இன்றைய தமிழகத்தின் கல்விச் சூழல் இருக்கிறது! 
பாரம்பரியமான பண்பாட்டுக்குப் புகழ்பெற்ற நமதுதமிழ்ச்சமுதாயத்தில் மிகுந்துவரும் இன்றைய சிக்கல்களை தமிழ் இளைஞர்கள் புரிந்து கொள்ளாமல் இருப்பதற்கு, இவர்கள் கற்ற கல்வியே முதன்மைக் காரணமாக உள்ளது. 
‘மெக்காலே’கல்விமுறை இவர்களைச் சமுதாயத்திலிருந்து பிரித்து, ‘தனக்குத்தேவையானதை அறிந்திருப்பதே அறிவு’ என்று நம்பவைத்து தனித்துப் பிரித்து விட்டது.

நம் தமிழைத் தெரிந்து கொள்வோம்

   இன்று மாலை கஜகஸ்தானிலிருந்து நம் வலைநண்பர் திரு.சம்பத் பேசினார்...  அப்படியே தமிழின் இன்றைய நிலை குறித்த கவலையில் போய் நின்றது உரையாடல். பள்ளி கல்லூரித் தேர்வுகளில் நல்ல மதிப்பெண் எடுக்கிறவர்களே பின்னால் தமிழில் தடுமாறுவதையும், வரவர “தமிழ் தெரியாது அல்லது ஆங்கிலம் அளவுக்கு(?) தமிழ் வராது“ என்பதைப் பெருமையாகப் பேசும் நிலை எங்கே கொண்டுபோய் விடும்? இந்தக் கவலையோடு, கடந்த சில ஆண்டுகளாக அரசுப்பணியாளர் தேர்வுகளுக்கான சிறப்பு வகுப்புகளில் நான் தயாரித்துத் தந்த வினாத்தாளில் முழு மதிப்பெண் எடுத்தவரும் இருந்ததை நினைத்துக்கொண்டேன்... அந்த வினாத்தாள் மாதிரிகளில் ஒரு மாதிரி இது... 

இது நம் வலை-நண்பர்களுக்கான 
போட்டித் தமிழ்த்தேர்வு!
யார் வேண்டுமானாலும் 
எழுதிப் பார்க்கலாம். 
மதிப்பெண்களைச் சொல்ல வேண்டிய
அவசியமில்லை
(சும்மா நமக்குநாமேதெரிந்து கொள்ளத்தானே?)

அடடே!.. விடை எழுதத் தயாராகுங்க...  ஆங்....!

இதோ கேள்விகள் ... 

கற்பதன் நோக்கம் சிந்திக்கப் பழக்குவதே!

வகுப்புகள் தொடக்கவிழாவில் நா.முத்துநிலவன் பேச்சு
புதுக்கோட்டை – ஜூலை 3. பள்ளி கல்லூரிகளில் கற்றுத்தரப் படுவது வெறும் தகவல் அறிவுதான், அதைவிடவும் பெரியது சிந்தனைஅறிவு. மாணவர்கள் அதனைப் பெற முயற்சி செய்ய வேண்டும் என்றார் கவிஞர் நா.முத்துநிலவன் 
     புதுக்கோட்டை அருகில் உள்ள பெருங்களுரைச் சேர்ந்த, ஸ்ரீ அன்னை அபிராமி பாலிடெக்னிக் கல்லூரியின் முதலாம்ஆண்டு வகுப்புகளைத் தொடங்கி வைத்துச் சிறப்புரையாற்றிய அவர், மேலும் பேசியபோது தெரிவித்தது –