கவிஞர் கந்தர்வன் நூலகத்துக்கு நூல்கள் அனுப்புங்கள்..முத்துநிலவன் வேண்டுகோள்

       நூலக வளர்ச்சிக் குழுக் கூட்டம்

புதுக்கோட்டை-ஏப்.7

புதுக்கோட்டை அய்யனார்புரத்தில்  செயல்பட்டுவரும் கவிஞர் கந்தர்வன் நூலகத்தின் வளர்ச்சிக் கூட்டம் வெள்ளிக்கிழமை நடைபெற்றது.
கூட்டத்துக்கு உணவக உரிமையாளர் சங்க மாவட்டத் தலைவர் சண்முக.பழனியப்பன் தலைமை வகித்தார். இதையடுத்து நடந்த ஆலோசனைக் கூட்டத்தில், நூலகத்துக்கு ஆய்வாளர்கள், மாணவர்கள், வேலைதேடும் இளைஞர்கள் மட்டுமல்லாமல் பொதுமக்களும் விரும்பிக் கற்கக் கூடிய புத்தகங்களைப் பெற்று நூலகத்தை விரிவுபடுத்துவது, குறிப்பாகப் போட்டித் தேர்வுகளுக்குச் செல்லும் இளைஞர்களுக்கான பொது, மற்றும் பாடஅறிவுநூல்களை சேகரிப்பது, இலக்கிய,சமூக,அரசியல்,தத்துவ நூல்களை வழங்குமாறு நண்பர்களையும் எழுத்தாளர்கள் மற்றும் இலக்கிய வாதிகளைக் கேட்டுக் கொள்வது, கந்தர்வன் நினைவு மலர் வெளியிடுவது, கந்தர்வன் நினைவு நாளில் கருத்தரங்கம் நடத்துவது, புத்தகங்கள் வழங்கவும், கந்தர்வன் நினைவு மலருக்குப் படைப்புகள் அனுப்பவும் விரும்புவோர் கவிஞர் நா. முத்துநிலவனை 94431 93293 என்ற  எண்ணிலும், கவிஞர் கவிவர்மனை 94434 20444 என்ற எண்ணிலும் தொடர்பு கொள்ளலாம் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
கவிஞர் நா. முத்துநிலவன் சிறப்பு அழைப்பாளராகப் பங்கேற்று, நூலகத்துக்கு முதல் தவணையாக 54 நூல்களை வழங்கி புத்தக சேகரிப்பைத் தொடக்கி வைத்தார். மார்க்சிஸ்ட் கம்யூனிஸ்ட் கட்சியின் மாவட்டச்செயலர் எம். சின்னத்துரை,  மாவட்டச் செயற்குழு உறுப்பினர் எஸ் கவிவர்மன், புதுக்கோட்டை மாவட்டத்தின் பல்வேறு சங்கங்களின் மாவட்ட நிர்வாகிகள் க. நாகராஜன்,  ரமா.ராமநாதன், சு. மதியழகன், அன்பு.மணவாளன் மற்றும் மார்க்சிஸ்ட் கட்சியின் செயற்குழு உறுப்பினர்கள் க. செல்வராஜ், எம். செபஸ்தியான்,  உள்ளிட்டோர் பங்கேற்று பேசினர்.

--நன்றி -தினமணி நாளிதழ், The Hindu (Trichy Edition), & தினகரன் நாளிதழ், தீக்கதிர் நாளிதழ்.
புகைப்படம்-நன்றி திரு.சு.மதியழகன் 

----------------------------------------------------- 

ஆரியபட்டா

வானத்தைக் கிழித்தது,

அணுகுண்டு சோதனை 

பூமியைக் கிழித்தது,

அரைக்கைச் சட்டை

கிழிந்தது மட்டுமே

நெஞ்சில் நிற்கிறது.

பிள்ளை வேண்டாமென்று

கருப்பையைக்கிழித்தார்கள்,

இனி –

உணவும் எதற்கென்று

இரைப்பையைக்

கிழிப்பார்கள்,

எல்லாம் கிழிந்த

எங்கள் தேசத்தில்

வாய்கிழிவது மட்டும்

வகைவகையாய் இருக்கும்

      --கவிஞர் கந்தர்வன்
--------------------------------------------- 
30-03-2013 அன்று நூல்கள் சேகரிப்பைத் தொடங்கிவைத்து,  கவிஞர் நா.முத்துநிலவன்  வழங்கிய நூல்கள் பட்டியல்

புதிய நூல்கள் -

பெரியார் ஈ.வெ.ரா.சிந்தனைகள்-ஆனைமுத்து-

20 நூல்கள் -       மதிப்பு ரூ.5,800-

காலந்தோறும் பிராமணியம் – அருணன் –

7 நூல்கள்  -        மதிப்பு ரூ.2,000-

பழைய நூல்கள் –  

மூலதனம் – தமிழில் தியாகு -NCBH வெளியீடு      

5 நூல்கள்-         மதிப்பு ரூ.  900-

லெனின் தேர்வு நூல்கள் – 12 பாகங்கள் -         

12 நூல்கள்-         மதிப்பு ரூ.  500-

இந்தியக் கம்யூனிஸ்ட் இயக்க வரலாறு 

பாரதிபுத்தகாலயம்-  மதிப்பு ரூ.  180-

கம்ப ராமாயணம் -6காண்டம்- வர்த்தமான்ன் -

9நூல்கள் –         மதிப்பு ரூ. 1,000-

காந்தியின் கடைசி 200நாட்கள்

மொழிபெயர்ப்பு      மதிப்பு ரூ.  200-

 ---------------------------------------------------

ஆக மொத்தம் 54 நூல்கள் மதிப்பு ரூ.10,000 +     

---------------------------------------------

இச்செய்தியைப் படிக்கும் யாவரும் “கவிஞர் கந்தர்வன் நூலகம்” வளர நூல்கள்வழங்கி உதவலாம். தொடர்பிறகு – நா.முத்துநிலவன்-94431 93293, கவிவர்மன்-94434 20444

---------------------------------------------------