பிரதமர் மோடியின் இணைய தளம் - சிக்கலா? ஏமாற்றா?

நமது பிரதமர் திரு நரேந்திர மோடி அவர்கள் 26-05-2014 அன்று, 15ஆவது இந்தியப் பிரதமராகப் பதவியேற்றவுடன், தொடங்கி வைத்த இணைய தளத் தகவல் எனது மின்னஞ்சலுக்கும் நேராக வந்திருந்தது.

'பரவாயில்லையே, தகவல் தொடர்புச் சாதனங்களைப் பயன்படுத்தி ஆட்சிக்கு வந்ததுபோல, நல்லாட்சி தரும் முயற்சிக்கும் இதனைப் பயன்படுத்த நினைக்கிறாரே!" என்று உடனடியாக எனது கருத்தைப் பிரதமரின் இணைய தளப் பின்னூட்டப் பகுதியில் எழுதினேன்.

எழுதினேன் எழுதினேன் எழுதினேன்... ஏற்கவில்லை.

சரி பெயரோ முகவரியோ தமிழில் இருந்தால் ஏற்காது போல என்றெண்ணி, அவற்றை ஆங்கிலத்தில் மாற்றிவிட்டு, செய்திப் பெட்டியில் மட்டும் ஆங்கிலத்தில் இட்டுப் பார்த்தேன். அப்போதும் ஏற்கவில்லை.

அதன் பின்னர் அனைத்தையும் ஆங்கிலத்தில் மாற்றி அடித்தேன்.

அப்போதும் ஏற்கவில்லை.

சரிதான், கமா, ஐஃபன் அடிக்கோடு, கேபிடல் லெட்டர் என எதுவுமே இல்லாமல் அடித்துப் பார்த்தேன். ம்கூம்.. கடைசிவரை ஏற்கவே இல்லை!

நான் தமிழில் அனுப்பிய செய்தி ஏற்கப்படாமல் “எர்ரர்“ என வந்ததால் பின்வரும் ஆங்கிலச் செய்தியை அனுப்பினேன் -

please insert  'COMPUTER'  as the sixth subject and 'MEDIA' as the seventh Subject in all our Indian Secondary Schools   via INDIAN  NATIONAL  EDUCATION  POLICY   IT  IS  A MUST   TO  OUR   UPCOMING GENERATION

இதையும் ஏற்காமல் எர்ரர் பதில் வந்ததால் அனைத்து எழுத்துகளையுமே சாதாரண எழுத்துகளாக மாற்றி, பின்வரும் செய்தியை அனுப்பினேன் -

Interact with Hon'ble PM

Errors found on page - 
Please avoid use of special characters, such as --, # etc in your Feedback.

(ஏற்கப்படாத எனது செய்தி)

please insert  computer  as the sixth subject and media  as the seventh Subject  in all our Indian Secondary Schools via Indian national education policy it is a must for our upcoming  generation

பத்துமுறைகளுக்கும் மேலாக எனது செய்தியை மீண்டும் மீண்டும் 
தந்து பார்த்தும் ஏற்கப்படாமல் மேற்கண்ட செய்தியே திரும்பத்திரும்ப வந்துகொண்டே இருந்தது!!!

எனது மின்னஞ்சலுக்கு வந்திருந்த இணைய தள முகவரி -

http://pmindia.nic.in/

எனக்கு வந்திருந்த மின்னஞ்சல் -

from:		Twitter <info@twitter.com>
to:
date:		28 May 2014 06:53
subject:		Message from The Prime Minister
mailed-by:		bounce.twitter.com
Signed by:		twitter.com -------------------------------------------------- ஆனால் நான் அந்த முகவரியில் பதில் அனுப்பவில்லை. அதில் கண்ட நம் பிரதமரின் இணைய தள முகவரிக்கே சென்று என் பின்னூட்டத்தை அனுப்பினேன்... ஆனாலும் ஏன் இப்படி?

இது சரியான இணைய முகவரி தானே? எனில்...

இது என்ன தொழில்நுட்பக் கோளாறா?

இல்லை வழக்கமான தில்லி அரசியலின் ஏமாற்றா?

இது நம் புதிய பிரதமருக்குத் தெரியுமா?

யார் பதில் தருவார்கள்?