தொடரும் நண்பர்கள்.. (நீங்கள் இணைந்துவிட்டீர்களா?)

வியாழன், 11 அக்டோபர், 2018

புதுக்கோட்டை புத்தகத் திருவிழா – 2018



தமிழ்நாடு அறிவியல் இயக்கம் நடத்தும்
மூன்றாவது
புதுக்கோட்டை புத்தகத் திருவிழா – 2018
வரும்
நவம்பர்-24 முதல் டிசம்பர்-03 வரை
நடைபெறவுள்ளது.
------------------------------------------------------ 
இது
ஊர்கூடி நடத்தும் திருவிழா!
கோவில் திருவிழா அல்ல!

அது கண்களை மூடச் சொல்லும்!

இந்தத் திருவிழா கண்களைத் திறக்கச் செய்யும்!
அறிவுக்கண்ணையும் சேர்த்துத் திறக்கும் 
புதுமைத் திருவிழா!

எனவே,
உள்ளுரில் உள்ள நண்பர்கள் அனைவரும் 
ஏதேனும் ஒருவகையில்

புத்தகவிழாக்குழுவினரோடு இணைந்து,

பணியாற்ற அழைக்கிறோம்.

வெளியூரில் இருக்கும் புத்தகக் காதலர்கள்

தமது புதுக்கோட்டை நண்பர்களை

இணைந்து பணியாற்ற அறிவுறுத்துங்கள்
கூடவே,

நன்கொடையும் தந்து உதவுங்கள்!
ஆம் நண்பர்களே!
நமது
கணினித் தமிழ்ச்சங்கம் மற்றும்

வீதி – கலைஇலக்கியக் கள நண்பர்கள் அனைவரும்

புத்தகவிழாக் குழுவின்

பணிக்குழுக்களில் பொறுப்பேற்றிருக்கிறோம்!

(நான் துணைத் தலைவராகவும்,
தங்கை மு.கீதா துணைச் செயலராகவும்!
மற்ற நம் நண்பர்கள் பலரும்
விழாக்குழுவின் பணிக்குழுக்களில் 
பொறுப்பாற்றும் பணியேற்றிருக்கிறார்கள்)
 
எனவேதான்,

இது நமது விழாவே தான்!

தாராளமாக

நிதி உதவி செய்யுங்கள்!
நண்பர்களிடமும் 
உரிமையோடு கேட்டு வாங்கித்
தந்து பெயர்ப்பட்டியலை
நீட்டியுங்கள்!

வழக்கம்போல

நமது

“வீதி” ஒருங்கிணைப்பாளர்

திருமிகு மு.கீதாவைத் தொடர்பு கொண்டு

உதவியைத் தொடங்கலாம்

எனது எண்ணிலும் கேட்கலாம்
எனது எண் - 94431 93293
தங்கை மு.கீதாவின் எண் - 96592 47363

பட்டியலில் முதலாவதாக
நான் ரூ.2,000 தருகிறேன்.

மு.கீதா அவரது தொகையோடு 
அவரது வலைப்பக்கம் மற்றும்
முகநூலில் தொடர்வார்! 

நண்பர்கள் இதனையே 
தமது சமூக வலைத்தளங்களில் பகிர்ந்தும்
உதவியைத் தொடங்கலாம், தொடரலாம்! 

உதவிய நண்பர்களின் பெயர்களை
கணினி, வீதி காண்செவிக்குழுக்களில்
பெயர்ப்பட்டியலிட விரும்புகிறோம்..
எங்கே.. யார் யார் .. எவ்வளவு?

பட்டியல் தொடரட்டும்!
புத்தகவிழா உதவிக்கான செய்திகள்
பற்றிப் பரவட்டும்! 
------------------------------------------ 
நேற்று நடந்த விழாக்குழுக் 
கூட்டச் செய்தியை
வெளியிட்ட தீக்கதிர் நாளிதழுக்கு நன்றி -



புதன், 10 அக்டோபர், 2018

காரைக்குடி புத்தகவிழா – எனது பேச்சு காணொலி இணைப்பு


தமிழ்நாடு அறிவியல் இயக்கத்தின் 
காரைக்குடி நண்பர்கள் ஏற்பாடு செய்து நடத்திவரும் “முதலாவது புத்தகத் திருவிழா” நிகழ்வில் 
கடந்த 08-10-2018 அன்று 
நான் பேசிய பேச்சின் காணொலி இணைப்பு இது-
“புத்தகம் புது உலகின் திறவுகோல்”
பார்த்து, கேட்டுக் கருத்திடவும், 
இன்னும் 
எனது வலைப்பக்கத்தில்
FOLLOWER பட்டியலில் இணையாதவர்கள் 
அந்தப் பெட்டியில் 
தமது மின்னஞ்சலைத் தந்து இணையவும் 
அன்புடன் அழைக்கிறேன்.
வணக்கம்.
காணொலி இணைப்பு இது - 

நன்றி -  'K' STUDIO,  புதுக்கோட்டை  
----------------------- 

செவ்வாய், 2 அக்டோபர், 2018

ஆண்டு முழுவதும் மத நல்லிணக்க விழாக்கள்! புதுக்கோட்டை மக்கள் ஒற்றுமை மேடை தீர்மானம்.


அண்ணல் காந்தியின் 150-ஆவது பிறந்த ஆண்டையொட்டி
ஆண்டு முழுவதும் மத நல்லிணக்க விழாக்கள்!
புதுக்கோட்டை மக்கள் ஒற்றுமை மேடை தீர்மானம்


     புதுக்கோட்டை, அக்-01 அண்ணல் காந்தியின் 150-ஆவது பிறந்தநாளை முன்னிட்டு அக்டோபர் 2-ஆம் தேதி முதல் ஆண்டுமுழுவதும் மக்கள் ஒற்றுமை மதநல்லிணக்க ஆண்டாக கொண்டாடுவது என புதுக்கோட்டை மாவட்ட மக்கள் ஒற்றுமை மேடை தீர்மானம் நிறைவேற்றியுள்ளது.